Polis a uza un potret pa logra bin cu prueba riba un asesino cu a mata su miho amiga pa motibo cu e potret ta mustra e faha cu el a choca su amiga cu ne. Cheyenne Rose Antoine, 21, a wordo sentencia e siman aki na 7 aña di castigo di prizon despues cu e curpa di Brittney Cargol, 18, a wordo haya sin bida benta banda di caminda na Saskatchewan, Canada, segun reportahe di The Sun.
Antoine ta bisa cu el a sali bay bebe cu Gargol y despues nan a bay den un discusion, pero a bisa polis cu e no ta corda cu el a choca e hoben e anochi ey den maart di 2015.
E investigacion tabata hopi complica segun autoridadnan anto a dura casi dos aña pa pone tur e pidanan di e puzzle hunto. Manera e faha cu a wordo uza pa mata e hoben tabata e faha cu Antoine tabata tin bisti e ultimo anochi di e sucedido, anto e faha a wordo haya hunto cu e curpa sin bida.
Antoine despues a declara su mes culpabel pero a bisa cu e no ta corda cu el a mata su amiga. Den un declaracion via su abogado Lisa Watson, Antoine a bisa: “Mi nunca lo pordona mi mes. Nada cu mi bisa of haci lo trecele bek.”
Fuente: NEWS.AU
