Harm-Jan L. Di 25 aña su pasado violento no tabata conoci ni na polis ni na ningun instancia na Deventer. Aworaki e ta cera pa maltrato severo di su pareha, e hoben Antiano, Raelitzha Maduro di 22 aña. E hoben tabata sperando un yiu cu e sospechoso, kende hunto cu su mama a fayece debi na e maltrato ricibi, diabierna dia 22 di juli. Un dia despues di e incidente.
Prome cu Harm-Jan a muda pa Deventer algun aña, e tabata tin contacto cu husticia relaciona cu violencia domestico, su ex pareha y victima a bisa. E dama a entrega keho varios biaha contra e homber. Te aña pasa ainda e homber tabata bou supervision di reclassering na Deventer.
Situacion alarmante
Segun vocero di reclarssering Hulanda, Mariska Cheret, no ta nada straño cu ningun instancia na Deventer tabata na haltura di e pasado di e sospechoso. Na october 2015, reclarssering su supervision di e sospechoso a termina. El a tene su mes na e condicionnan, por lo tanto prolongacion di e supervision no tabata necesario.
Polis a enfatisa cu nunca antes tabatin asistencia policial na e adres, te diahuebs dia 21 di juli, ora cu a haya e victima den situacion critico. Na Deventer no tabatin niun conocemento di e pareha ni e pasado di e sospechoso.
Te ora cu e victima tabatin contact cu un ambtenaar di ‘Werk en Inkomen.’ E consehero a sospecha cu tabatin mas problema y a pone un team social na haltura. E team no a logra haya contacto cu e pareha, segun ‘gemeente.’ Tur esaki a tuma luga algun dia prome cu e fayecimento di e victima.
Atraso den pago di huur
E vocero di ‘gemeente’ Deventer a confirma loke cu un bisiña a bisa, esta cu e pareha lo mester a sali di e apartamento pa dia 1 di augustus. “Nan tabatin un atraso grandi den pago”, e bisiña a conta. Vocero di ‘gemeente’ Maarten-Jan Stuurman, kende tambe huur e apartamento, a confirma cu e contracto di huur ta termina dia 1 di augustus. E no a duna motibo di esaki, citando motibonan di privacidad.
Fuente di informacion deStentor.nl
