Historia di dande
E historia di dande a wordo conta den diferente manera, pero e pregunta ta di unda a bin cu dande. Dande ta un folklore di Aruba cu a inicia na 1890. E instrumentnan cu ta wordo uza ta wiri y tambor. Pa finalisa den e grupo, 1 cantante ta compaña e instrumentnan. chapi tambe a wordo uza pa haci e ritmo di dande, di cua tabata manera un wiri.
Despues di tiro e grupo di dande tabata sali bay toca unda cu nan tabata stop te dia di tres Rey. Esaki ta kiermen cu pa casi 1 siman nan no tabata yega cas. Esaki ta pasobra antes e casnan tabata ta hopi leu di otro y e grupo mester a cana hopi. Tin tabata bay cu burico pa asina por a yega na diferente cas canta. Asina cu nan yega na e cas, e porta ta cera y nan ta cuminsa canta. Ora cu doño di cas habri porta y invita nan pa drenta, e ora nan ta haci esey. Prome cu e cantica termina e grupo ta bay pafo, unda cu despues e doño di cas ta invita nan pa asina duna nan algo. E bieunan tabata conta cu nan tabata contento di mira hobennan yega cas pa canta.
Letranan di dande
E cantante ta canta e cabes di cas, antes tabata e homber pero awo por ta e muhe, despues e casa y yiunan. E letranan di dande ta sagrado. Dande ta un mensahe di Dios pa e cas y famia. Antes e letranan di dande ta pidi bendicion na humildad, cosecha y hopi mas. Pero awendia como cu dande a bira mas moderno e letranan tambe ta cambia. E ritmo di dande ta uno suave y no lihe manera ta wordo toca durante festival. E letranan di dande tin di haber cu humildad, y no pa hinca politica den dje.
Dande a bira mas moderno
Poco poco dande a cuminsa bira mas moderno, unda cu mas instrumento a cuminsa ta wordo uza, pero e palabranan tambe ta wordo cambia. Algun di e instrumentonan aki ta cuarta, maraca, mandolin, guitara, acordeon of marimba, pero no instrumentonan electronico. Awo e generacion actual ta tumando e folklore di Aruba, esta dande, pero nan mester purba di wanta esaki den su originalidad.
Dunamento di plaka
Den pasado despues cu e gruponan a caba di canta nan ta wordo invita pa e doño di cas pa drenta paden pa asina nan haya sea un driguidek of algo otro pa compaña e grupo durante nan paranda. Tambe nan tabata ricibi un kelki chikito di ginger. Pero poco, poco esaki a cambia y awo ora e cantante ta canta e persona y dune bendicion e famia ta pone plaka den e sombre di e cantante.
