Luna di april Aruba a tabata un luna inusual pa motibo cu Pasco Grandi a cay laat. Cu un High Season mas largo, e ocupacion ta baha pa e prome simannan den luna. Di otro banda ta cobra prijs di high season pa 3 siman den luna di april, mientras cu aña pasa henter e luna a cobra prijs di low season.
Aruba a experiencia un porcentahe averahe di ocupacion di 82.6% cu ta 5.8 punto menos cu aña pasa. E balor averahe di cada camber (ADR) tabata $288.04, cual ta 19% mas halto cu na 2018. E RevPAR, cu ta e entrada averahe pa tur camber disponibel, na april 2019 tabata $237.85 y esaki ta un aumento di11.1% compara cu un aña pasa, pero un reduccion di 21% di maart 2019.
E cifranan di AHATA ta basa riba 17 hotel cu ta miembro di AHATA.
