Durante e temporada di shelter in place y toque de queda cu gobierno a introduci pa evita cu e coronavirus/Covid-19 por sigui plama den nos comunidad, tin hendenan cu ta sigui traha den e actividadnan cu ta wordo considera esencial, poniendo den peliger nan salud y esun di nan famia.
Algun di e trahadonan aki ya mas visibel cu otro, manera e dunadonan di cuido di salud y polis cu ta den e front line. Otronan ta mas invisibel, pero tambe esencial, entre nan esunnan cu ta percura pa abastecemento di cuminda t’ey, mientras cu gran parti di nos comunidad ta safe den nan cas.
Jose Luis ta traha den un empresa di importacion di productonan cu ta abastece e establecimentonan comercial rond di nos isla di variedad di producto, entre nan productonan di e canasta basico. Tur dia e ta lanta tempran pa asina cuminsa su trabao di deliver. E ta consciente cu cada bes cu e sali ta nifica un riesgo p’e y pa su famia.
Logicamente e ta cuida su mes y ta mantene distanciamento social. Pero di otro banda Jose Luis ta consciente cu su trabou ta nifica e pan di su famia y di otro famia mas cu mester di e productonan aki durante e periodo aki cu nos mester keda cas, y sali solamente pa loke ta esencial.
E reseña aki ta un reconocimento y gradicimento pa tur trahado cu ta realisa actividadnan cu ta wordo considera como esencial, y cu ta pone den risico nan salud pa bienestar di comunidad henter. Nan ta berdadero heroe durante e crisis actual di Covi-19 cu ta afecta nos pais.
