Hendrik Tevreden (MEP): Cu cambio di directiva y director di Hospital por a nota un progreso paz y trankilidad na Hospital

dr Horacio Oduber Hospital ta un luga esencial pa tur hende aki na Aruba. Sinembargo e la keda sangra y tur e politico nan cu a haci daño na e organo aki mes no t’ey mas pa rindi cuenta. Sinembargo Hendrik Tevreden di partido (MEP) ta duna di conoce cu a pidi pa laga traha un rapport forensico di e situacion di Hospital pa asina saca afo kico tur ta e dañonan cometi na Hospital, pero esaki no a logra ainda mirando cu un rapport forensico ta costa hopi placa y Aruba no tabatin e buged pa haci esaki. Tevreden ta kere cu den futuro lo ta bon pa laga haci un rapport.

Sinembargo na e momentonan aki cu e cambio di directiva y un Director nobo ta mira un luz den horizonte. Pero cu Aruba a yega caba na unda cu e mester yega, ainda no . E trabaonan cu mester haci ta grandi , e retonan ta pisa , pero si a tuma nota cu un trankilidad ta creciendo den hospital. Aunke cu tin cambio caba sigur lo kier mira mas cambio y crecemento positivo pa futuro unda cu e calidad di hospital sigui bay dilanti.

Aruba compara cu hopi pais nan rond di nos ta brinda un calidad di cuido basta halto unda cu sigur ta felicita tur specialista cu dia aden y dia afo ta dedica na nan trabao cu pasion, pero tog ta kere cu tin mas espacio pa mehoracion.

Segun Tevreden, ta kere cu den hospital esaki tambe ta e caso cu kier mira mas mehoracion , apesar di tur e problemanan cu tabatin cu e edificio , e suma di edificio , awa cu tabata cay den e edificio y tur e problema tecnico cu e hospital a pasa aden, e la sa di surpasanan.

Actualmente Partido MEP kier concentra mas riba e trahado unda cu no ta desconoci cu e sindicato di enfermeronan ta bringando e punto aki pa hopi tempo caba , pero cu sigur MEP ta para nan tras tambe debi cu ta kere cu atencion na e trahado ta necesario.

Segun Hendrik Tevreden unabes cu tin e trahadonan contento y ta avansando den un trankilidad cu un sfeer cu nan ta sintinan mes bon automaticamente e trabao tambe ta mehora y ta mira un paz y trankilidad den e organisacion.

MEP kier brinda e apoyo primeramente na e trahadonan y e plan nan nobo cu hospital tin pa nan por ehecuta 2021 bay dilanti , pero tambe kier crea pa e mundo medico bira algo cu ta atrae turismo medico tambe den futuro pa pais Aruba.

Sinembargo gobierno ta contento cu por conta cu un hospital mas cu ta IMASN na San Nicolas unda cu a haci un bishita pa asina mira e calidad di cuido cu nan ta brinda unda cu a keda sorprendi con den bon caminda nan ta unda cu ta hopi bon specialisa den varios tereno , specialmente den e departamento di canser.

Si mira esaki hospital na playa tambe por cuminsa na specialisa su mes den un aspecto y na unda por combina e dos hospital nan aki hunto , pero atrae pashentnan di afo pa asina haya e servicio y Aruba tambe ta haya un entrada di esaki y di e manera aki por yuda stabilisa e gastonan cu tin actual den mundo medico na Aruba.

Segun Tevreden di partido MEP e no ta facil , pero e no ta imposibel tampoco, si bini hunto na mesa y pone e vision dilanti Aruba por logra.