Hende Muher den sector Primario na Aruba

Den mayoria caso si nos papia di sector Primario ta e hende homber ta sobresali. Motibo di asaki ta paso e trabounan cu esak ta rekeri ta trabounan hopi pisa cu kisas un hende muher no por. Si bo mire for di e punto di bista ey. Trabounan duro cu mester wordo desplega tur dia pa ppor mantene riba un nivel cu esaki ta pidi. Claro “ e “Homber Balente” cu mester traha cu sudor di su frenta pa pone pan riba mesa pa su famia por come tur dia. Traha oranan largo den solo cayente cu hopi contratiempo pa asina por tin un bon cosecha na final di dia.

Bo a yega di puntrabo mes kico lo ta si ta un hende muher ta hasi esaki? Abo a yega di experencia esaki? Si nos papia di añanan atras e hende muher  mester a traha mesun duro cu e hende homber  den cunuco. Sea plantando of cosechando pa por tin cuminda pa come. Sin papia mes si ta criamento di bestia. Hopi biaha e dosnan aki ta wordo combina, esta agricultura y tambe Cria ta wordo hasi pa e famia por biba.

Awendia ainda tin famianan cu ta hasi Agricultura, Cria  y Pesca. Den esakinan por mira damanan fuerte y balente cu tambe ta eherce e trabounan aki. Si nos papia di Argricultura y Cria nos por menciona nombernan manera sra. Paola Kock di Cunuco Aruba dushi Tera cu tur dia ta lanta mainta y hasi tur dos trabou den su cunuco. Un trabou cu ta exigi hopi caminda e tin su Baca, Cabrito, Porco y tambe galiña pa mantene tur dia. Sigur un trabou cu ta exigi hopi sacrificio y tambe gana pa por yega pa tin un cultivo y cria exitoso. Por mira sra. Paola Kock na tur ocacion den nos Mercado Santa Rosa ofreciendo cu productonan fresco tanto berdura y tambe carne sea di cabrito of Baca. Bon conoci tambe pa  e Webonan fresco cu nan ta supply diferente Supermarket/Minimarket rond di Aruba.

Otro persona bon conoci cu semper tin su productonan fresco y tambe su bebidanan manera e juicenan fresco ta sra. Maureen laaf-Ras.
Eta dedica na planta varios fruta y berdura y segun cu por eta ofrece su clientela algun producto. For di su frutana mes e ta produci su juicnan tambe.

Un otro dama cu tambe nos tin hopi aprecio pe ta sra. Marcia Linzey-Dañe cu tambe ta eherce e trabou di Cria di Bestia na su cas. Marcia ta bin ta hasi esaki for di algun aña caba y cu mester bisa ela lanta den e abiente di cria. Su mayornan tabata esnan cu a motive y inspire pa e sigui den e rumbo aki. Por bisa su experencia ta amplio riba e tereno aki di cria. E tres damanan aki tambe  a wordo reconoci como “Amigonan di Santa Rosa den pasado.

Pa nos no sigui bai mucho leu pa loke ta  trata Agricultura y Cria aki na Aruba nos por menciona nos mesun directora cu ta sra. Nathalie Maduro.  Prome cu ela tuma na su encargo e maneho di nos Departamento di Agricultura, Cria y Pesca Santa Rosa e tabata dedica su mes cu cria di tanto Cabrito, Baca, y Porco. Un gran experencia y sigur experticio cu locual ta su ideanan y mas e amor cu e tin pa esaki. Como dama eherciendo esaki sigur ta di admira. Esaki no ta nada fasi mirando cu e trabounan cu esaki ta bin cune. Hopi ta esnan cu a keda sorprendi cu ta un dama ta na cabez di dicho departamento cu pa hopi a kere cu e tabata imposibel pa un hende muher dirigi e departamento. Semper den e trayectoria di Santa Rosa tabta hende homber  a dirigi.

Di e forma aki nos kier a pone un tiki enfasis pa loke ta trata Dia di Hende Muher. Di nos parti e team completo di Santa Rosa encabesa pa nos directora sra. Nathalie Maduro nos ta desea tur hende muher den e ramo aki y den tur otro ramo feliz Dia di Hende muher. Laga esaki ta un refleho con importante e ser humano aki den e mundo di sector primario di Aruba. “Muhernan balente cu ta traha incansabelemnte pa secctor primario di Aruba” Pabien!