Presidente Juan Manuel Santos a firma e ley recien aproba cu ta extende e periodo liber cu empleadonan femenino ta haya den caso di embaraso y parto, te na 18 siman. E iniciativa aki, impulsa pa bancada di partido Centro Democrático, a keda aproba pa Congreso dia 14 di dicember di aña pasa y tabata falta e firma presidencial so pa keda converti den ley.
Eley ta establece, ademas, un siman di tempo liber cu e empresanan obligatoriamente mester duna e muhenan embarasa prome cu e parto y ta contempla tambe dos siman si ta trata di un parto multiple.
Cu e iniciativa aki ta busca cu “Colombia ta sincronisa mas cu e standardnan internacional sugeri pa Organizacion Mundial di Salud (OMS) den e materia aki, cu ta indica cue mama mester por cria su baby cu pecho durante e prome seis lunanan”, e representante den Camara di Centro Democrático, Tatiana Cabello, autora del proyecto, a señala.
E Hefe di Estado a sanciona tambe un ley cu ta adopta e estrategia “Sala Amigas de la Familia Lactante”, cual lo tin aplicacion den tur entidad publico y den empresa priva cu capital di mas di 1500 vez e salario minimo, o cu tin mas di 50 empleado.
E norma estableci ta intenta cu e muhenan den e periodo di lactancia ta dispone di un espacio adecuado, cu tur specificacion tecnico di higiene y salubridad den nan lugar di trabao. Aki nan por extrae lechi y warda esaki pa dun nan yiu na cas. Tal estrategia lo permiti cue ausencia temporal di e mama trahador no ta afecta en absoluto e alimentacion di e baby, ademas ta contribui na dignificacion di e actividad fundamental aki.
