Un di cada dies persona di edad avansa na Hulanda no ta uza servicionan di banco online, a pesar di tin un computer, pasobra nan ta kere e ta insigur, segun un encuesta di e organisacion pa persona di edad avansa, ANBO.
Casi mita di esunnan cu ta nenga pa uz’e, ta bisa cu e servicio ta insigur, y mas di mita abisa cu no lo persuadi nan pa cuminsa, hasta si ofrece ayudo. Cash ainda ta importante pa hendenan di edad avansa, segun director di ANBO, Liane den Haan, a bisa.
“E resultadonan di e survey ta importante awo cu ABN Amro a dicidi di deshaci di hopi di su ATM pa motibo di intento pa rementa nan. Puntonan di servicio tambe ta cerando cada bes mas, poniendo den peliger e disponibilidad di cash riba cual hopi hende grandi ta depende.”
Casi tres cuarta parti di e 10mil encuestado tin un tablet of smarphone, como tambe un computer. Tres cuarta parti tin un app di banco, pero menos cu un di cada tres ta uza e aparato pa haci pago pasobra nan ta considera cu e app ta insigur. Casi tur encuestado a bisa cu nan ta kere cu e posibilidad di paga cash mester keda un opcion.
Contestando kico lo haci si no tin cash mas, 35.5% a bisa cu lo uza internet. “Nos kier yuda e hendenan di edad avansa pa haci e transicion na banco online y nos lo hacie cu ayudo di e banconan. Pero nos por hacie unicamente si hende ta dispuesto”, Den Haan a bisa.
