(NLTimes) – Segun e compania di cerbes, e no ta posibel pa permanece activo den e pais di un manera cu ta genera ganashi bao di e circunstancianan actual. Heineken probablemente lo mester paga aproximadamente 400 euro pa causa di e decision, e grupo a bisa.
Heineken anteriormente a bisa cu nan lo stop cu produccion y benta di e cerbes Heineken na Rusia pa causa di e invasion Ruso na Ucrania. E compania tambe a para cu inversino y exportacion den e pais. Sinembargo, tambe nan a produci varios cerbes local na Rusia, manera Zhigulevskoe y Oxota. Den e simannan recien, e compania tabatin den consideracion ki pa haci cu nan actividad Ruso.
“Nos ta hopi impacta y disgusta mirando con e guera na Ucrania ta sigui desaroya y bira mas intenso,” e grupo a declara. Cu aproximadamente 1,800 empleado, Heineken ta bisa nan tabata e di 3 compania di cerbes mas grandi na Rusia.
Heinken tin intencion di haya un dono nobo pa nan actividad Ruso. E grupo a enfatisa cu nan no lo genera ganashi riba e benta aki. Tambe nan a conta cu nan lo sigui paga e empleadonan Ruso nan salario te cu por lo menos fin di e aña. Heineken lo haci tur loke nan por pa sigura cu nan trabao sigui existi den futuro.
