(NLTimes) – Heineken finalmente a logra bende su frankisia na Rusia. E gigante di cerbes Hulandes a bende tur accion di su operacion Ruso na Arnest Group pa 1 euro, incuriendo un perdida cumulativo di 300 miyon euro.
“Awo nos a completa nos salida for di Rusia,” CEO di Heineken, Dolf van den Brink a bisa diabierna.
Heineken a anuncia cu tabata bandonando Rusia tiki despues cu e pais a invadi Ucrania na februari 2022. Sinembargo, e gigante di cerbes a enfrenta critica severo pa lansa cantidad di producto nobo den mercado Ruso den e aña despues di anuncia su salida. Segun Heineken, tabata necesario pa tene e compania atractivo pa cumpradornan potencial. Na april 2023, e compania a anuncia cu a haya un cumprador y tabata sperando pa autoridadnan Ruso aproba e benta. Awo e aprobacion a yega.
Segun Heineken, Arnest Group a tuma over tur activo, incluyendo siete brewery na Rusia. Tambe a tuma responsabilidad pa e 1,800 empleado di Heineken na e pais, “dunando garantia di empleo pa proximo tres aña.”
“Desaroyonan recien ta demostra e retonan significante enfrenta pa companianan grandi di manufactura den sali di Rusia,” Van den Brink a bisa. “Mientras cu a dura hopi mas largo cu nos a spera, e transaccion aki ta sigura e pan di nos empleadonan y ta permiti nos sali di e compania den un manera responsable.”
E marca Heineken a keda retira for di mercado Ruso na 2022. Amstel ta bay sali den fase durante proximo seis luna. Heineken a bisa cu no lo licencia otro marca internacional na Rusia, pero si a emiti un licencia di tres aña pa algun “marca regional mas chikito.” Segun e compania, esaki tabata rekeri pa sigura continuidad di negoshi y aprobacion di e benta. “Heineken lo no duna sosten di marca y no ta bay ricibi ganashi, regalia of tarifa for di Rusia,” e compania a bisa.
