Bou stricto medida di siguridad, nos autoridad policial a escolta e invitadonan entre nan hefenan di cuerpo di polis di varios pais Caribense y agencianan di siguridad internacional cu a bin pa participa den e conferencia di organisacion ACCP (Association Of Caribbean Commissioners Of Police).
Ayera tardi polis tabata dilanti di aeropuerto pa escolta e invitadonan VIP di e conferencia di ACCP. Eventualmente e medidanan di siguridad a bira mas pisa despues cu ayera mainta un caso di asesinato a registra na Jaburibari.
E actividad aki a cuminsa caba y e ta clausura dia 5 di mei proximo. E tema scogi tin di haber cu Globalisacion y Crimen Organisa Transnacional. Na final di e conferencia aki cuerpo policial di Caribe lo firma un protocol di cooperacion riba tereno di combatimento di organisacionnan di crimen nacional y internacional.
