(AP) – CEO di TikTok a reuni diamars cu oficialnan di Union Europeo tocante regulacionnan digital nobo y estricto den e bloke di 27 nacion mientras e aplicacion di dono Chino ta enfrenta mas y mas critica for di autoridadnan tocante privacidad di dato, siguridad cibernetico y mal informacion.
Den reunion na Brussels, Shou Zi Chew y 4 oficialnan di Union Europeo su Comision ehecutivo a trata e preocupacionnan di diferente area for di siguridad di muchanan te cu investigacionnan tocante data di usuarionan drentando China, segun e notanan Europeo di e dos reunionnan y publicacionnan.
TikTok ta sumamente popular cu muchanan hoben sinembargo su doño Chino ta trece dilanti miedonan cu Beijing por usa esaki pa tin acceso na data di usuarionan of promove mensahenan pro-China of mal informacion. TikTok ta propiedad di ByteDance, un compania Chino cu a move su base di operacionnan na Singapore den aña 2020.
Estadonan na Merca incluyendo Kansas, Wisconsin, Louisiana y virginia a cuminsa prohibi e aplicacion riba dispositivonan di e estado pa empleadonan di gobierno, y tambe lo prohibi esaki for di mayoria dispositivo di gobierno cu ta cay bao gastonan di Congreso.
E miedonan a ser causa pa reportahenan ana pasa cu un ekipo di China a ricibi acceso na data di usuarionan di Merca riba TikTok di manera cu no tabata apropia, incluyendo dos repotero, como parti di un programa di spionahe pa yega na e fuente cu tabata dunando prensa informacion.
Tambe tin preocupacionnan cu e compania ta mandando gran cantidad di dato di usuarionan pa China, kibrando reglanan di privacidad sumamente estricto di Europa. Proteccion di vigilantenan di data den e Union Europeo na Irlanda ya caba a habri dos investigacion dentro di TikTok, incluyendo un riba e transferencia di su data persona na China.
