Hefe di Guarda nos Costa Richard Krammers; Tin un variacion di nacionalidad cu GNC ta atende cu ne

Na momento cu un vuelo humanitario mester tuma luga y e ilegalnan na Aruba ta rumbo bek pa nan pais natal , esaki no ta un trabao solamente di Guarda nos Costa pero cu directie luchtvaart, DIMAS, departamento di migracion Aruba y buitenlandsebetrekking.

Di e manera aki ta pone cada un di e personanan riba avion pa por bay nan pais natal. Tur loke ta e tramite y informacionnan cu ta keda pidi pa duna pa nan por haya e biahe ta keda regla dor di tur e instancianan aki. E ultimo vuelo cu mester a sali tur cos tabata cla y hasta tabatin un ok pa cu e vuelo tuma luga dia 20 di maart pero pa un motibo of otro e vuelo no a tuma luga. Esaki ta pone cu e personanan mester a bay bek GNC pa asina warda riba e fecha nobo cu e avion lo mester sali cu tur documento ta na su luga.

Den luna di augustus 2020 e vuelonan aki a cuminsa y por bisa te cu januari e 6 vuelonan a cana bon y e proceso a encamina sin ningun problema. Pa es motibo aki mes ta hopi straño cu e di 7 vuelo cu mester a tuma luga a surgi un problema chikito. Pero sinembargo mester keda mira padilanti y ta trahando pa resolve e problemanan aki pa asina continua cu e di 7 vuelo y pa despues por sigui continua cu mas vuelo den futuro.

Hefe di GNC Richard Krammers ta duna di conoce cu no ta solamente Venezolanonan ta haci e acto di ilegal na Aruba, aunke e Venezolanonan ta esunnan mas hopi si, pero tin mas otro nacionalidad manera Haiti, Eguador, peru, honduras.

Sinembargo e nacionalidadnan aki no ta un problema mirando cu e hub pa Colombia / Panama ta habri , dus e personanan cu mester bay Peru of Ecuador por bay via di Colombia / Panama. Esunnan cu mester bay Colombia tambe tin biahenan diariamente, esunnan di China ta bula via Amsterdam.

E paisnan cu ta habri no tin ningun problema pa por manda e personanan cu ta na GNC nan pais natal, pero e unico cu tin un situacion dificil ta esunnan cu mester bay Venezuela. E mensahe ta keda cu na momento cu cualkier persona cu no ta Arubiano cu kier bin biba na Aruba, mester corda cu Aruba tin su leynan y mester cumpli cu esaki y si no cumpli cu e leynan bo ta haya bo mes ta deal cu un departamento manera GNC cu ta e departamento encarga pa atende cu e personanan cu no ta atende cu e ley di admision.

Hefe di GNC ta compronde e situacion di Venezuela unda cu mayoria persona cu ta den GNC ta bisa cu no ta bon na nan Pais, pero esey no ta kita na momento cu e dianan ta pasa ta dicidi di keda Aruba, pero cu mester regresa bek of mester trata di regla e documentonan manera ley te prescribi. Na momento cu esey sosode no lo tin ningun problema cu ningun departamento di admision di Aruba.

Sinembargo na momento cu GNC detene un ilegal cada un di nan ta haya nan desayuno mainta, merdia nan por kies for di 6 tipo di cuminda cu ta desea di come, pero esunnan cu ta malo y of cu mester come diferente e verpleegkundige na GNC ta check e salud di e ilegal y abase di su estado di salud cuminda ta keda traha pe.

Segun director di GNC si un persona tin presion halto e ta haya un cuminda cu ta hopi abao di soduim. Esaki ta significa cu cada persona abase di su salud por kies entre 6 diferente cuminda tur dia y parti atardi nan ta haya pan y durante dia nan ta haya juice, awa, te y koffie pa bebe. Durante dia nan ta den un sala cu airco y tambe tin un television cu nan por sinta wak netflix. Tur e ilegalnan ta keda trata den e margen di derechonan humano cu Aruba semper a atane na dje.