Durante fin di siman cu a pasa tabata tin papia den algun medio di comunicacion, cu tabata tin un caos na aeropuerto y cu turistanan mester a para den rij largo pa nan warda pa wordo controla. Esaki siguramente no a cay den bon tera cerca e trahadonan di Duana, kendenan ta huramenta pa controla nos fronteranan pa cualkier eventualidad.
Esaki ta conta tanto na aeropuerto como otro puertonan, caminda cu diariamente ta mira un fluho di turista, como tambe tripulacion di barconan cu ta drenta pa comercio na waf. Control ta algo normal. Unda cu yega, tin cu haci control.
Control tin cu wordo haci riba tur hende y depende di e risico cu tin tambe. Por tuma como ehempel un Colombia, cu ta productor di cocaina. Ta bay controla mas riba cocaina. Si ta haya por ehempel si acaso cu avion por bin di Jamaica, sa cu tin marihuana eynan, ta controla riba marihuana. Si ta haya cu avionnan cu ta bin di Merca, di Miami, etc., sa cu hende ta cumpra hopi paña eynan y eynan ta invoerrechten cu tin cu controla e ora ey. Paña nobo cumpra cu lo mester paga. Asina ta haya diferente control cu por wordo ehecuta na cualkier momento.
Control extraordinario na aeropuerto
Durante e fin di siman manera ya menciona, a opta pa haci un control extraordinario y manera ta di spera, turistanan tabata para den rij. Segun director di Duana, Ricky Croes, esaki tabata casual, pero esey a wordo resolvi despues.
Pa henter e situacion aki, Croes a splica cu a haya droga, pero naturalmente no por generalisa. E droga no a wordo haya riba ningun persona si. E pensamento si cu mirando cu duana tabata controla, a dicidi di lag’e den baño.
Den e caso aki tabata algo specifico. E tabata hustamente e turistanan cu tabata biniendo pa Soul Beach a wordo controla. Den e caso aki tin cu tene cuenta kico nan lo trece pa nos economia, kico ta locual cu a haya y pone den balansa pa dicidi con e control lo wordo efectua den futuro den e casonan aki.
Sindicato no mucho contento
Ta sinti cu for di sindicato, pasobra miembronan lo a bati na nan porta, cu ta interumpi nan di haci nan trabao den cierto sentido y cu tin hasta papia cu minister lo a duna instruccion via nan hefe. E director a splica cu cada trahado di duana tin cu mustra su responsabilidad na un majoor, cu ta mas halto cun’e. E lider di servicio ta duna cuenta na su hefe, na inspector, director y djey minister. Den e caso aki si nan haya un tarea, no pa stop esaki, pero pa haci esey na un manera miho, segun e director, nan no por cuestiona un peticion of un tarea, cu ta bin, pa motibo cu loke ta wordo mira cu si por pone tur cos den balansa, den e caso aki ta wak kico e accion tabata, kico su meta ta, kico por a logra cun’e y di otro banda tin cu wak economia tambe. Kico el a produci pa duana. Si pone eseynan den balansa, por bisa cu awor aki tin cu haci’e di un otro manera. Ta haya tambe e pensamento di e director, cu dounan mester cuminsa controla 10 hende 100 porciento y no 100 hende 10 porciento , di manera cu e control mester ta efectivo, basa riba riesgo y no controla tur hende.
Libertad pa turistanan di Merca
Tin manera un libertad pa e turista procedente di Merca. Riba e resultado di e control aki, Ricky Croes a splica cu a haya algun cos ilegal y a haya mas entrada cu ta normal. Pero un biaha mas, tin cu pone tur cos den balansa. Wak kico a haya como entrada adicional y compara esaki cu kico e economia di Aruba lo sufri. Ora cu pone e dos nan aki den balansa, ta bisa cu si ta bal la pena sigui cun’e, para esey of haci’e menos. Den e caso aki a dicidi pa controla menos e ora ey.
Molester na turista?
Pa loke ta EEEE control di duana, varios keho, cual segun presidente di SADA, no sa di unda, cu ta molestia turistanan durante control. Esaki Eduard Maduro, no ta compronde dicon ta defini molestia, pasobra una bes un hende, ken cu e porta, cumpra un ticket pa bin un pais, nan ta somete na tur control, pa loke ta entrada di e pais cu nan ta bayendo.
Cada ken cu cumpra un ticket nan sa cu ta bay un pais, nan sa cu nan tin cu pasa sea control di emigracion,di di siguridad y di duana. Esey ta algo cu no ta ningun secreto. Pa e turistanan, tanto Mericano, Venezolano, di tur parti di mundo cu ta bin Aruba, nan sa cu ora nan yega Aruba, nan por wordo someti na un control di duana, emigracion y siguridad. Pa e parti ey, ta di lamenta cu ta hinca den un contexto asina, pasobra si esunnan cu ta papia di molestia, si nan busca e informacion corecto, ta haya sa cu e control ta na su luga y no tabata den ningun forma pa molestia ningun turista.
Maduro a sigui splica cu a haya keho di coleganan, cu ta asina cu tin un lider di team, esta esun cu ta eherce e control di e trabaonan e dia ey en cuestion. Cada dia ta evalua e personal cu tin y kico por haci. Ta logico cu si no tin personal pa haci un control completo of 100%, logicamente no ta bay over pa perhudica e turista. Esey ta hopi hende cu ta keha of ta duna di conoce cu duana ta stroba e importancia di Aruba, loke ta trata control di turista, duana tin di experiencia di e banda aki cu no ta bay perhudica esaki sin mester.
Duana ta haci su control dependiendo na e personal cu tin presente, ta bay evalua cuanto hende of con, ki control ta bay haci. E dianan en cuestion tabata tin hopi personal. Tabata tin hende suficiente cu a dicidi e ora ey cu por haci un control completo, sin perhudica e fluho di turista, Maduro a splica.
