(AP) – Cada dia mas y mas mortonan ta ser conecta cu e ola di calor cu ta tumando luga den e simanan aki, cu trahadornan medico tratando personanan abruma pa e temperaturanan halto di mas cu 38 Celsius bisando cu e efectonan di e calor extremo aki lo sigui aumenta.

Hopi mortonan ta bao investigacion aworaki como mortonan relaciona cu calor cu ta tumando luga na Oregon, Washington y British Columbia. E calor peligroso aki a cuminsa riba 25 di Juni y apenas diamars a cuminsa baha.

E mortonan den Oregon so a yega por lo menos 79, y e examinador di estado a conta cu e cantidad mas halto a tuma luga na Multnomah County, cual ta cubri parti di Portland. E mortonan aki ta inclui un Guatemalteco inmigrante cu a colapsa mientras e tabata trahando na un planta di mata den Oregon den calor.

Den canada, British Columbia su coronel, Lisa Lapointe, a revela cu su oficina a ricibi hopi reportahe di por lo menos 486 “morto repentino” entre juni 25 y diaranson pasa. Normalmente, el a bisa mas o menos 165 persona ta fayece den e provincia den un periodo di 5 dia. El a bisa cu e tabata hopi trempan pa por confirma cuanto di e mortonan aki tabata relaciona cu e calor tumando luga, pero cu ta mas cu probable cu e ta tras di hopi di e mortonan.

“Mi ta kere cu den tempo nos lo mira cu e cifranan aki lo aumenta,” segun Dr. Steve Mitchell, director di Harborview MEdical Center’s Emergency Medicine Department na Seattle. “Misa cu den mi experiencia, cu mi ta spera di wak cifranan hopi mas halto di loke nos ta mirando actualmente, despues di papia cu coleganan di emergencia cu ta mirando cifranan dobel di loke nos ta mira.” Mitchell a agrega.

Tabatin mas o menos 1792 bishita na e sala di emergencia pa problemanan di salud relaciona cu e calor desde 25 di juni, segun Washtington State Department of Health. Di tur e bishitanan aki, 21% di e personan aki a rekeri admision na e hospital.

Dialuna abatin e cantidad mas halto di bishita na e hospital, cu 702 persona, y e tabata e dia mas caluroso di e ola den hopi areanan incluyendo Seattle, Portland, Oregon y algun otro ciudadnan mas, pasando den e temperaturanan asina halto cu ta kibrando record. E temperatura a yega 42 grado Celsius den Seattle y 47 grado Celsius den Oregon.

E personanan encarga di duna e pronostico di tempo a comenta cu e causa di e temperaturanan halto aki cu a aumenta cu mas di 30 grado ariba di loke ta normal, riba un cobertura di calor cu ta poniendo mas presion di lo normal riba e region. Expertonan ta comenta cu e tempo caluroso ta un efecto tambe di e cambionan den tempo pa motibo di cambio di clima global.