(AP) – Vice Presidente Kamala Harris ta anunciando e formacion di un partnership nobo pa yuda provee acceso di internet na 80 porciento di Africa pa aña 2030, un aumento di alrededor di 40 porciento actualmente.
Diabierna su anuncio ta bini despues cu Harris a haci un bishita na e continente aña pasa conhuntamente cu e siman aki su bishita na Washington di e President di Kenya William Ruto. Harris y e lider di Kenya tabata den plan di tin un dialogo diabiernana U.S Chamber of Commerce tocante con e partnership nan priva-publico por aumenta crecemento economico.
Un bista di Harris su iniciativa obteni pa The Associated Press ta delinea con e kier cumpli cu e compromisonan cu el a haci pa promove innovacion digital ora cu el a bishita Ghana, Tanzania y Zambia.
Africa a lucha pa ricibi e capital necesario pa crea su sectornan di tecnologia y industria. United Nations a reporta aña pasa cu inversion directo di exterior den continente a cay cu 45 biyon den 2022, di un nivel record di 80 biyon den 2021. Africa tin alrededor di 3.5 porciento di inversion directo di exterior mundialmente, aunke esaki ta consisti di mas o menos 18 porciento di e poblacion global.
Ademas di lansa Partnership for Digital Access na Africa pa mehora e acceso di internet. Harris, un Democrata, ta anunciando un iniciativa nobo dirigi na duna 100 miyon hende y negoshinan Africano den e sector agricultural na e economia digital.
African Development Bank Group conhuntamente cu Mastercard, entre otro organisacion, esaki lo yuda forma e aliansa Mobilizing Access to the Digital Economy Alliance of MADE. E aliansa aki lo cuminsa un programa piloto pa duna acceso digital na 3 miyon agricultor na Kenya, Tanzania y Nigeria prome cu expande na otro paisnan.
Harris, e prome Vice Presidente Mericano femenino, tambe ta anunciando cu e esfuersonan parti di Women in the Digital Economy pa atende e division di genero den acceso na tecnologia awo a genera mas di 1 biyon den compromiso publico y priva, cu algun di e compromisonan Mericano pendiente pa ricibi aprobacion den e congreso.
