Hapon a purba di sigura diplomaticonan stranhero ayera tocante siguridad na e planta nuclear Fukushima, entre preocupacion pa cantidad masal di awa procesa pero radioactivo warda den tanki.
Diplomaticonan di 22 pais y region a presenta pa un reunion na Ministerio di Exterior, unda oficialnan Hapones a pone enfasis riba importancia di combati rumornan tocante siguridad na e planta, cual a keda destrui pa un teremoto y tsunami na 2011, mientras a priminti transparencia.
Operador di e planta, Tokyo Electric Power Co. (TEPCO) a bisa luna pasa cu lo keda sin espacio pa warda e awa na 2022, pa cual Sur Korea a lanta preocupacion tocante siguridad, entre tension cu Hapon cu a intensifica pa motibo di comercio y historia. Sur Korea tabata entre esunnan presente na e reunion ayera.
Mester pomp awa continuamente den e cuater reactornan cu a smelt na e planta pa asina e fuel paden por keda friu, y awa radioactivo a lek for di e reactornan y mix cu awa den suelo y di yobida desde e desaster.
E planta a acumula mas di 1 miyon ton di awa den casi mil tanki. A trata e awa pero ainda e ta contene elementonan radioactivo, un di cual no por wordo separa.
E awa ta un fuente di preocupacion, lantando rumor tocante siguridad, specialmente mientras Hapon ta purba di laga paisnan retira restriccion riba importacion di cuminda for di area di Fukushima prome cu Olimpiada di Tokyo 2020. Restriccion di importacion ainda ta na luga na 22 pais, incluyendo Sur Korea y China.
Oficialnan a bisa cu no a ricibi keho di e diplomaticonan tocante e maneho Hapones di e awa.
Mas di ocho aña despues di e accident, Hapon ainda mester dicidi kico pa haci cu e awa radioactivo. Un panel comisiona pa gobierno a scoge cinco opcion, incluyendo liberacion controla di e awa den Ocean Pacifico.
Yumiko Hata, a Ministry of Economy, Trade and Industry official in charge of the Fukushima accident response,
Seou luna pasa a anuncia plan pa aumenta test di radiacion riba productonan comestibel Hapones, y a puntra tocante e awa contamina y e posibilidad di benta esaki den lama.
Expertonan ta bisa cu e tankinan ta un riesgo di inundacion y radiacion y ta afecta esfuersonan di descontaminacion di e planta.
Cientificonan nuclear, incluyendo International Atomic Energy Agency, a recomenda e liberacion controla di e awa den lama como e unico opcion realistico cientifica- y financieramente.
