(AP) – Fabricante di vehiculo Hapones Nissan ta aumentando su transicion na vehiculo electrico y reduciendo e costo di esaki pa medio di usa e mesun componente den nan modelnan y reduci e uso di materialnan caro.
Nissan Motor Co. a presenta su strategia di desaroyo “X-in-1” diahuebs, den cual X ta representa e varios partinan manera un motor electrico y un inverter cu por ser usa den varios model. E compania a bisa cu desaroyo y costonan di fabricante lo keda reduci pa 30% den 2026 compara cu 2019. E fabricante basa na Yokohama tabata un pionero den vehiculo electrico sinembargo rivalnan manera Tesla y BYD na China a surpasa esaki.
Mientras e movida den direccion di modelnan mas ecologico ta haya mas atencion mundialmente, motiva pa preocupacionnan tocante cambio di clima, Nissan ta hopi motiva pa demostra su habilidadnan.
Su vice president, Toshiro Hirai, a admiti cu e prijs di cierto materialnan necesario pa crea bateria di vehiculo electrico y otro partinan ta premira di aumenta den añanan binidero. Esaki ta nifica cu e fabricantenan di vehiculo tin un strategia solido di obtene materialnan curu si nan ta spera di tin exito den e transicion.
“Nos ta haci e miho uso di nos experticio y conocemento di nos decada di desaroyo y produccion di tecnologia electrico,” Hirai a comenta. Compara cu e vehiculo Leaf di prome generacion, materialnan poco comun ta responsabel pa 25 porciento di e peso di e Nissan Note EV di 2019. Nissan tin e meta di haci esaki 1 porciento of meto. Nissan, cual tambe ta fabrica e model March y Infiniti, ta trahando riba un tecnologia di bateria solido pa vehiculo electrico, un movida cu si ta exitoso ta premira di radicalmente reduci costo.
Pa aña 2030, Nissan su modelnan di vehiculo electrico lo costa mas o menos mesun cantidad cu e modelnan regular ekivalente, Hirai a declara.
