E soño di varios decada di bula den shelo mesun facil cu core riba autopista por ta birando menos di ilusion. SkyDrive Inc. di Hapon, entre e cantidad di proyectonan di ‘auto bulado’ rond mundo, a ehecuta un test exitoso, maske modesto, di un vuelo cu un persona abordo.
Den un video mustra na reporteronan diabierna, un contrapcion cu ta mustra como un motorcycle cu propeller, a eleva un par di meter for di suelo, y a flota den un area pa cuatro minuut.
Tomohiro Fukuzawa, kende ta lidera e esfuerso di SkyDrive, a bisa cue ta spera cu e ‘auto bulado’ por wordo traha den un producto di bida real pa 2023, pero el a reconoce cu haci esaki safe tabata critico. “Di e mas di 100 proyecto di auto bulado mundialmente, apenas algun tabata exitoso cu un persona abordo”, el a bisa AP. “Mi ta spera hopi hende lo kier conducie y sinti safe.”
Te awo e mashin por bula apenas di cinco pa dies minuut, pero si esey por bira 30 minuut, lo tin mas potencial, incluyendo exportacion na luganan manera China, Fukuzawa a bisa.
A diferencia di avion y helicopter, vehiculonan eVTOL, of ‘electric vertical takeoff and landing’ ta ofrece biahe personal rapido di un luga pa otro, sikiera den principio.
Nan por deshaci di e problema di aeropuerto y trafico, y e costo di contrata piloto, nan por bula automaticamente.
Tamaño di bateria, control di trafico aereo y otro problema di infrastructura ta entre e cantidad di reto potencial pa su comercialisacion.
Gobierno Hapones ta optimista cu e vision di ‘the Jetsons’, cu un ‘road map’ pa servicionan comercial pa aña 2023, y expansion di uso comercial pa decada di 2030, enfatisando su potencial pa conecta areanan remoto y duna lifeline pa desastrenan.
Expertonan ta compara e ‘buzz’ tocante autonan bulado cu e inicio di industria di aviacion, cu e rumannan Wright, y e industria di auto cu e Ford Model T.
Lilium di Alemania, Joby Aviation na California y Wisk, un joint venture entre Boeing Co. y Kitty Hawk Corp., tambe ta trahando riba proyectonan eVTOL.
