Ex trahado di finanzas di Inglatera ta acusa gobierno conservador di prome minister Boris Johnson di dirigi e pais na un Brexit sin acuerdo, cu no ta sosteni pa Parlamento, ni ciudadano Britanico cu a vota.
Phillip Hammond, un legislado conservador kende a renuncia su trabou di Hefe Tesorero prome cu Johnson bira prome minister, a bisa cu bandona Union Europeo sin un acuerdo ta un traicion di resultado di referendum.
Johnson ta argumenta cu politico anti-Brexit di Inglatera ta colaborando cu UE pa blokia e salida. Hammond a bisa BBC cu Johnson a pasa for di posicion di negociacion duro na uno di ‘kibra’ door di insisti cambio den acuerdo entre e pais y UE. E ta agrega cu si Johnson kier un acuerdo, por tin otro persona su banda cu tin agenda diferente.
Johnson a priminti cu Inglatera lo sali for di UE dia 31 di october, ‘cu of sin divorcio’. El a bisa cu tin ‘un teribel colaboracion’ entre UE y politico di Inglatera. Hopi economista ta bisa cu sali for di UE sin un acuerdo lo afecta economia.
Hammond a critica e gobierno pa keda pone ‘mito sin fin’ cu pueblo Britanico a vota pa un Brexit sin acuerdo, y cu sali for di UE sin negocia un acuerdo lo causa dolor. “No tin un mandato di sali sin ningun acuerdo. Sin acuerdo lo significa daño na economia di Inglatera y union di e pais”, Hammond a expresa.
Johnson a nenga di pone suspension di parlamento pa legislado purba atrasa of preveni Brexit, Hammond a bisa cu esey lo ‘provoca un crisis constitucional’.
