(NLTimes) – Johan Derksen, Rene van der Gijp y Wilfred Genee a expresa durante Vandaag Inside riba diaranson cu nan no tin ni un tiki di conocemento tocante con doloroso e conversacion tocante violencia sexual ta pa e victimanan, segun Mariette Hamer, ken ta comisario di gobierno pa mal conducta sexual, riba e programa di radio NPO Met Het Oog.

Na Voetbal Inside riba diamars, Derksen a conta un anecdota di con el a sexualmente asalta un muhe inconsciente cu tabata bebi den aña 1970 pa medio di penetra e muhe en cuestion cu un candela. Durante e mesun programa, el a bolbe back na e storia aki bisando cu e no a penetra e muhe, sino cu el a pone e candela riba un pedestal mey mey di e muhe su pianan.

“Mi no tabata civilisa. Mi tabatin 24 aña di edad y mi tabata sinti berguensa di a haci esaki,” Derksen a expresa. “E tabata den aña 1970. Mi tabata kier a laga cla con mi generacion a bira asina mal comporta y a experiencia un periodo di rebelion. Mi a senala na mi mes.” Derksen a bisa cu e tabata kier a laga cla tambe cu “Hulanda ta yen di persona hipocrita cu ta comporta malo y na mesun momento ta husga otronan.” El a nenga di pidi despensa. “Na ken anto? Esey ta manera e alcalde cu awo ta bisa sorry pa motibo cu Piet Hein lo a comporta malo.”

Van der Gijp a propone riba diaranson atardi cu e programa keda graba di antemano pa asina “cual kier chiste di mal gusto” por keda descarta. Derksen tabata contra di esaki, bisando cu e tabatin miedo cu esaki lo “kita con spontaneo e programa ta.” “Te ainda tin hende cu ta gusta nos. Solamente e cultura di cancela hende ta keda disgusta cu nos cada biaha,” el a bisa.

E storia cu Derksen a conta hariendo riba diamars y con e coleganan Wilfred Genee y Rene a responde na esaki a causa un gran cantidad di reaccion, incluyendo di parti di Hamer. “Den henter e conversacion entre e hombernan aki, e no ta parse cu nan a tuma na cuenta con doloroso tur cos cu nan a bisa awe y ayera ta,” Hamer a comenta. “E ta atrobe, tocante con duro e tabata pa nan y cu ya nan no ta permiti di haci chiste di mal gusto mas. E gran problema tras di nan declaracion no ta keda dialoga. Mi ta hopi desapunta cu esey.”

Prome cu Derksen a rectifica loke el a bisa, Hamer a yama su confesion “television cu ta desapunta.” El a haya su storia “degradante y doloroso” pa hendenan cu a experiencia violencia sexual. “Den ananan 1960 y 1970 e comportamento aki no tabata normal.”

President di Janke Dekker di MORES, e linea telefonico pa reporta comportamento sexual agresivo den e sector di entretenimento, a yama Derksen su storia di candela “un nivel baho nobo” den e movimento Me Too na Hilversum. “Na prome luga, mi a pensa cu e tabata sarcasmo,” Dekker a bisa. “Claramente, humor por ser ricibi di bon manera y di mal manera, bo por gusta un chiste y tambe por pasa cu bo no gusta esaki. Pero esaki tabata fuera di luga, un falta di respet y hopi fies.”