(Emol.com) Santiago – E cantidad di persona desapareci a aumenta te 18 durante excavacion di tera na Villa Santa Lucia, region di Los Lagos, na 1147 km zuid di capital Santiago, cu a sucede diasabra pasa.
E heridonan ta acumula 12 persona mientras cu te awor a registra cinco victima mortal. E sub secretario di Interior, Mahmud Aleuy, a entrega un actualisacion di e trabaonan di buskeda y excavacion di edificio, despues di un reunion tecnico cu e autoridadnan involucra. E prioridad di autoridadnan ta concentra riba e buskeda di persona desapareci, e reposicion di servicionan basico y conectividad. Para localisa esunnan di ken ainda ta desconoce nan paradero, ta colabora ekiponan di Buskeda y Rescate di Bomberonan di Osorno y Coyhaique, ademas di e apoyo di e ekiponan di Aysén, efectivonan di Carabineros, personal di Ehercito, apoya logisticamente pa Armada y Forsa Aereo. A traha un bypass cu ta permiti trafico entre Palena y Villa Santa Lucía. Desde e localidad ey te na Region di Aysén e caminda ta transitabel.
Pa e labornan di excavacion di tera ta conta cu 38 mashin pisa perteneciente na ministerio di Obra Publico. A splica cu e deslisamento di tera raporta diasabra tabata producto di un parti di un glaciar cu a laga bay y a causa e deslisamento. Na Chile actualmente ta verano, relaciona cu su ubicacion den hemisferio sur.
