Por lo menos un persona a fayece diadomingo pasa den e protesta na Port-au-Prince, ora miles a exigi e renuncia di e presidente Jovenel Moise, cu ta acusa pa Tribunal Superior di Cuenta di tin vinculo cu malversacion di fondo.
E fayecido, cu un impacto di bala na e torax, di biaha a ser traslada pafo di e zona di tension, un periodista a constata. E protesta a produci varios enfrentamento violento entre grupo di hoben y e polis cerca di e palacio presidencial y sede di polis. Aunke tabata tin hopi presencia policial y vehiculonan di ONU cu glasnan getint, dos edificio cerca a resulta destrui pa e candela.
Mientras e manifestantenan tabata tira piedranan pa e polis y nan di nan banda tabata tira gas lagrimogeno, a ser scucha tiramento den centro di ciudad. Pa via di e incidentenan, varios miles di persona a marcha riba un parti principal di e capital, convoca pa partido di oposicion y organisacionnan di sociedad civil.
Siman pasa, e Tribunal di Cuenta a publica un informa di mas di 600 blachi tocante e uzo di Petrocaribe, un programa di desaroyo patrocina pa Venezuela, cu a publica varios caso di maneho iregular di fondonan y corupcion.
Desde berano di 2018, e movemento ciudadano Oterocaribe Challenge a multiplica e manifestacionnan na tur e pais, loke a hiba e Tribunal Superior di Cuenta pone den marcha operacion di e controlado pa determina con cuater administracion tras di otro a sigui gasta mas di 1.600 miyon di dollar cu a ser ricibi pa e programa aki.
