Camara di Diputado di Haiti a rechasa ayera pa habri un huicio politico pa dispidi e presidente Jovenel Moise, fuentenan oficial a informa.
E proposicion pa husga Moise a ser rechasa cu 53 voto den contra, 3 na fabor y 5 abstencion, e Camara di Diputado a informa riba su cuenta di Twitter.
Pa esaki prospera, tabata necesario e voto na fabor di al menos 80 diputado, un tercer parti di e camara, cu tin 111 legislado.
Entre otro motibo, e diputadonan mester a para e discusion pa via cu den interior di e sede legislativo tabata filtra awa di yobida. E sede ta funciona den un local prefabrica cu ta parce un container, desde cu e temblor di 2010 a destrosa Port-au-Prince.
E acusacion contra Moise a ser rechasa ayera y tabatin impulso di un grupo di casi 20 diputado opositor, cu tabata propone e impulso di un huicio politico pa destitui e mandatario, pa sospecha di corupcion.
E diputado a reuni dos biaha den ultimo siman pa debati e cuestion, pero e sesion a ser suspendi den dos ocasion pa via cu e oficialismo tabata intenta bloki e votacion.
E diputado opuesto pa Moise ta acusa di beneficia su mes a traves di e empresa Agitrans, di fondo iregular cu a bin for di e programa Petrocaribe, pa e cual Venezuela ta manda petroleo pa varios pais den Caribe cu condicion di bentaha.
Si Moise lo bay ta acusa di traicion halto, lo inicio un huicio politico na e Senado cu lo por hiba na e retiro di e mandatario, cu ta na poder desde 2017.
