(AP) — Mas di 130mil cas a keda daña of destrui pa un teremoto poderoso den region sur di Haiti aña pasa, cobrando bida di mas di 2,200 persona.
Den dianan despues di e teremoto di magnitud 7.2, e sobrevivientenan a colecta clechi, tarpaulin y palo, y a traha shelter pa nan mes. Mas cu un aña despues di e teremoto dia 14 di augustus 2021, centenares di famia ainda ta bibando den tentnan improvisa, puntrando nan mes si un hende ta bay bin yuda nan.
Si historia recien ta un guia, tiki hende lo bin yuda.
AP a bishita varios campamentorond di e ciudad costeño di Les Cayes, cual tabata un di e areanan mas afecta, y cada biaha hende tabata keha cu ningun oficial di gobierno a bishita nan a pesar di promesanan cu lo bin yuda.
Loke ta pio, otronan ta victimizando e victimanan di e teremoto.
Na un camp, amigonan di e doño di e propiedad ta purbando di tuma back e tereno unda e refugiadonan a bin biba. Malandronan a kibra e tentnan, a tira piedra riba famianan, y a purba di cende e campamentona candela dos biaha den lunanan recien.
E camp, manera cantidad di otro, ya inunda rapidamente ora awa yobe, forsando centenares pa huy na tera mas halto mientras nan ta mira nan pertenencianan muha.
Famianan ta cana pa haya awa den pozo, algun biaha lagando e sedimento baha prome cu bebe. Cantidad di nan no tin trabao, nan ta depende riba bisiñanan pa nan unico cuminda di dia.
Esnan bibando den e campamentonan ta bisa cu nan a scucha riba radio cu oficialnan di gobierno local a reuni cu lidernan internacional riba e dificultadnan despues di e teremoto, pero nan ta cuestiona si nan lo ricibi ayudo.
Riba aniversario di e teremoto, un grupo di oficialnan di gobierno a tene un conferencia di prensa describiendo e avance di e administracion di prome minister Ariel Henry, kende a cuminsa lidera e pais tiki despues di asesinato di presidente Jovenel Moise dia 7 di juli, 2021.
Gobierno ta bisa cu a planta 400 ton di bonchi, a haci limpi 10mil meter di canal, a distribui 22mil saco di fertilisante, y a haci donacion di mas di 300mil basket yen di productonan basico. A provee $100 na cada un persona vulnerable den e decenas di miles di hogar den region sur. E estado tambe a habri un brug temporal riba e riu Grande-Anse na comienso di augustus.
Pero UNICEF a adverti siman pasa cu mas di 250mil mucha ainda no tin acceso adecua na scol, y mayoria di e 1,250 scol destrui of daña ainda no a wordo reconstrui. A nota cu falta di fondo y un aumento den violencia a retrasa reconstruccion.
Gangnan cada bes mas poderoso a tuma control di e caminda principal conduciendo di e capital di Port-au-Prince na e region sur di Haiti, interumpiendo esfuersonan pa provee cuminda, awa y otro productonan basico na esnan den necesidad. Cantidad di organisacion a haya nan mes forsa di paga soborno pa evita cu nan personal ta wordo secuestra mientras nan ta biaha na e region sur.
Mientras tanto, inflacion di dos digito a profundisa pobresa.
Haiti: Cantidad di persona ainda buscando cuminda y shelter
Un aña despues di teremoto
(AP) — Mas di 130mil cas a keda daña of destrui pa un teremoto poderoso den region sur di Haiti aña pasa, cobrando bida di mas di 2,200 persona.
Den dianan despues di e teremoto di magnitud 7.2, e sobrevivientenan a colecta clechi, tarpaulin y palo, y a traha shelter pa nan mes. Mas cu un aña despues di e teremoto dia 14 di augustus 2021, centenares di famia ainda ta bibando den tentnan improvisa, puntrando nan mes si un hende ta bay bin yuda nan.
Si historia recien ta un guia, tiki hende lo bin yuda.
AP a bishita varios campamentorond di e ciudad costeño di Les Cayes, cual tabata un di e areanan mas afecta, y cada biaha hende tabata keha cu ningun oficial di gobierno a bishita nan a pesar di promesanan cu lo bin yuda.
Loke ta pio, otronan ta victimizando e victimanan di e teremoto.
Na un camp, amigonan di e doño di e propiedad ta purbando di tuma back e tereno unda e refugiadonan a bin biba. Malandronan a kibra e tentnan, a tira piedra riba famianan, y a purba di cende e campamentona candela dos biaha den lunanan recien.
E camp, manera cantidad di otro, ya inunda rapidamente ora awa yobe, forsando centenares pa huy na tera mas halto mientras nan ta mira nan pertenencianan muha.
Famianan ta cana pa haya awa den pozo, algun biaha lagando e sedimento baha prome cu bebe. Cantidad di nan no tin trabao, nan ta depende riba bisiñanan pa nan unico cuminda di dia.
Esnan bibando den e campamentonan ta bisa cu nan a scucha riba radio cu oficialnan di gobierno local a reuni cu lidernan internacional riba e dificultadnan despues di e teremoto, pero nan ta cuestiona si nan lo ricibi ayudo.
Riba aniversario di e teremoto, un grupo di oficialnan di gobierno a tene un conferencia di prensa describiendo e avance di e administracion di prome minister Ariel Henry, kende a cuminsa lidera e pais tiki despues di asesinato di presidente Jovenel Moise dia 7 di juli, 2021.
Gobierno ta bisa cu a planta 400 ton di bonchi, a haci limpi 10mil meter di canal, a distribui 22mil saco di fertilisante, y a haci donacion di mas di 300mil basket yen di productonan basico. A provee $100 na cada un persona vulnerable den e decenas di miles di hogar den region sur. E estado tambe a habri un brug temporal riba e riu Grande-Anse na comienso di augustus.
Pero UNICEF a adverti siman pasa cu mas di 250mil mucha ainda no tin acceso adecua na scol, y mayoria di e 1,250 scol destrui of daña ainda no a wordo reconstrui. A nota cu falta di fondo y un aumento den violencia a retrasa reconstruccion.
Gangnan cada bes mas poderoso a tuma control di e caminda principal conduciendo di e capital di Port-au-Prince na e region sur di Haiti, interumpiendo esfuersonan pa provee cuminda, awa y otro productonan basico na esnan den necesidad. Cantidad di organisacion a haya nan mes forsa di paga soborno pa evita cu nan personal ta wordo secuestra mientras nan ta biaha na e region sur.
Mientras tanto, inflacion di dos digito a profundisa pobresa.
