Den medio di comunicacion a sali un articulo den cual un persona ta declara cu gobierno a kita su tereno na Alto Vista. Director di DIP, Haime Croes a splica tocante e situacion.

Croes a cuminsa na bisa cu no a kita tereno di ningun hende. El a saca un mapa caminda ta mustra e tereno di e persona, cu ta huurgrond, cu a wordo kita na 2016 pa gobierno anterior den un rapport di 15 di maart.

Ora a kita e tereno, a manda e persona un carta cu nan a kita e tereno, firma pa ex director di DIP, den cual a splica cu no mag tin actividad eyriba mas, cu for di 2016 tabata ilegal. E ta un tereno cu ta domeingrond. Tin dos tipo di domeingrond, e prome ta cu persona ta huur, e di dos ta esun cu persona ta cana riba dje.

Segun Croes, a papia riba rednan social cu huurgrond ta ‘tradicional tereno di bo’, pero e ta un tereno di gobierno cu por kita a base di prioridad cu tin y regla cu tin pa cumpli. “Un huurgrond mayoria ta pa landbouw. No pa haci fiesta riba dje y tampoco coba. No pa haci cosnan priva pa hende. Unda cu na e tereno di Alto Vista tin bungalows riba un tereno domein”, Croes a splica.

E ta bisa riba un tereno unda hende mester cana trankil y haci locual nan kier ta un tereno openbaar, pero no mag di construi sin ningun permiso. Croes a enfatisa cu for di 2016, no mag di tin actividad riba e tereno en cuestion.

Banda di esey el a bisa cu riba ROP ta mustra cu e tereno ta berde, cu ‘e ta pertenece den e groengebied’ anto esey no ta di awo, pero for di 2009 cu tabatin hende ta huur den area berde; un area den cual no mag construi y cu ta protegi.

Croes a splica cu a purba di yega na acuerdo cu e persona, pero no a logra y a yega asina leu cu a papia cu Polis pa splica tocante e situacion, pa nan kita nan cosnan, pasobra no por ta eynan y mester cumpli cu ley.

Nan a bisa cu nan lo haya tempo y departamento lo yuda pa un tereno pa huur pa nan landbouw. Pero henter e situacion a keda keto.

Na augustus nan a haya yamada cu e situacion a bira pio. Croes a remarca cu a keda trankil, pero e manda carta dia 13 di augustus y 22 di augustus splicando e situacion. Den e carta ta pidi pa confirmacion di persona por escrito pa desaloha e tereno di construccion den periodo di DIP otorga den 2 luna. Pa dia 13 di october mester desaloha, si esey no pasa y no ricibi confirmacion cu lo desaloha, e ora DIP lo instrui DOW pa aloha e tereno.

Croes ta expresa cu a haya straño e reaccion cu a mira riba medionan social, cu ta ‘lamentabel pa un exposicion asina grandi’. E ta bisa cu persona tin opcion pa yega DIP y papia pa yega na un huurgrond cu landbouw cu e condicion cu tin mara na dje.