Hackers a infiltra alomenos un docena di planta nuclear na Merca den atakenan na luna di mei y juni, segun informacion di autoridadnan. Esnan cu a wordo ataka entre otro tabata Wolf Creek, cual ta e facilidad na Kansas. Segun DHS – Departament of Homeland Security, tin reportahe cu ta indica un poder cu ta bini di pafo, posiblemente di Rusia, kende tabata responsabel pa e atake.
E compania Wolf Creek Nuclear Operating Corp a nenga di bisa si a hack e compania, pero a laga sa cu no tabata tin ningun impacto operacional na e planta. FBI a laga sa cu no tin indicacion di menasa pa siguridad publico. E hackers ta aparentemente purbando di analisa networks di computernan pa atakenan den futuro, segun reportahe di DHS.
Autoridadnan ta sigui bisa cu e metodonan ta casi similar na locual expertonan di Rusia a uza den otro atakenan.
E atakenan a dirigi nan mes riba un parti specifico di e facilidad nuclear caminda cu a instrui e sistema pa cuminsa draai mas lihe di locual ta e intencion.
