(CuraçaoChronicle) – Un hacker Hulandes a descubri vulnerabilidadnan serio den e software di conta voto Hulandes, e directiva di eleccion a revela den un declaracion publica diamars. E riesgonan identifica a keda rectifica caba.
Esaki ta trata e software OSV2020 cu e directiva electoral ta provee pa facilita eleccionnan Hulandes. E partidonan politico por usa e software pa asina prepara y entrega nan lista di candidato na e directiva. Den fin di juni, e directiva a keda notifica di un serie di vulnerabilidad den e software. E alerta aki a bini for di experto den siguridad independiente Maarten Boone di Zerocopter. El a mira cu e programa separa rekeri pa instala e software tabata contene e proveedor su passwordnan interno.
Den un publicacion, Zerocopter a detaya con Boone a haya e idea di test e software di eleccion den juni. El a descarga e software y a usa un herment pa investiga esaki. Rapidamente el a logra haya acceso na tur e credencialnan den e software. “Tur esaki den menos di un ora,” el a nota.
Dentro di un ora di descubri e vulnerabilidadnan aki, Boone a tuma contacto cu e conseho electoral pa notifica nan y e problema a keda resolvi algun dia despues. “Erornan den siguridad por pasa na cualkier paso di bo proceso di desaoto y ta algo bon pa laga hackernan revisa esaki regularmente,” Zerocopter a agrega.
