Solamente seis di e 52 ecosistema protegi na Hulanda ta prosperando y seis ta den mal condicion, segun un informe di habitat cu Hulanda mester presenta na Brusel, NRC a bisa diamars ultimo. E zonanan costero tipico manera duinnan embrio na riu ta bayendo bon, pero e estuario di e riunan, camponan di tundra y zonanan pantano en particular ta bou menasa.
E ley Europeo ta bisa cu e estadonan miembronan mester proteha nan ecosistema distintivo y sigura cu nan condicionnan no bira pio, esaki ta locual Anne Schmidt a bisa e matutino. E estado di naturalesa Hulandes ta di importancia crucial den e debate andando di e contaminacion di compuesto di nitrogeno y e abundancia di nitrogeno ta un di e causanan principal di e teritorio di ecosistema.
Nitrogeno ta un problema particular na Gelderland, Noord-Brabant, Drenthe, Overijssel, Utrecht y Limburg na unda ta realisa e parti mas grandi di agricultura intensivo. Segun e instituto di salud publico RIVM alrededor di 46% di compuesto di nitrogeno cu ta ser haya den naturalesa ta bin di e sector industrial di agricultura. E secura ta otro problema, ya cu den presencia di especie invasivo y e interupcion di e proceso dinamico natural, NRC a bisa.
