Habitantenan concerni a logra atende DOW pa para destruccion riba Sero Cristal.
Riba su Facebook Zulema Erasmus a comenta cu el ayera cu nan a nota cu a rosa un pida di e sero. Habitantenan a mobilisa mesora y a logra di atende DOW riba esaki. E departamento finalmente a para e trabou cu aparentemente ta di un persona cu a logra di haya un permiso pa desaroyo turistico riba sero di cristal. Pa motibo di esey el a cuminsa cu esaki, sinembargo DOW a para esaki como cu no ta meta di gobierno pa destrui un area di naturalesa protegi manera Sero Cristal.
Sinembargo esaki no ta parce ta e fin di e storia. Sra. Erasmus ta expresa tambe cu: “Nos lo sigui traha pa stop e proyecto aki den su totalidad. Den e bario di Babijn, Marawiel, Cristal y Koeriboeri, nos tin ya caba dos area cu ta cobando pa santo y un betonfabriek cu ta opera hasta den marduga, sin menciona e asocialnan cu ta benta sushi den nos naturaleza. Mira un before and after di e area.” (potretnan di e area ta di sra. Erasmus su Facebook).
