Dialuna mainta, durante conferencia di prensa, Minister di Husticia Andin Bikker (POR) a papia tocante e carta cu el a ricibi di habitante di San Fuego vociferando nan preocupacion y problema cu ruta nobo cu a ser designa pa ATV/ UTV.
Den e carta cu el a ricibi di e habitantenan di San Fuego y otro area na unda cu nan ta pidi pa un reunion urgente, pa motibo cu nan ta haya molester ora cu e vehiculo ta pasa cerca di nan tereno of cas. Tambe den e carta nan ta expresa di cobamento di santo.
Segun e mandatario esaki ta causa molestia pa loke ta trata e trafico. “E regulacion di trafico bou e ministerio concerni pa tene control severo pa trata e vehiculo nan aki. Desde siman pasa nos a duna y lo sigui duna atencion extringente pa e preocupacion di habitantenan aki. Tambe mirando cu den pasado tambe tabatin cierto accidente di lamenta. Nos kier evita pa esaki ripiti”, el a expresa.
Pa finalisa, minister Bikker a bisa cu lo tene un reunion cu e grupo di habitantenan pa tuma nota di nan preocupacion y pa asina por yega na un solucion concreto.
