(AP) – Gwyneth Paltrow su motivacion pa bay huicio den un demanda cu ta acusa su persona di a manda un persona cu tambe tabata skii “bulando” na un resort pa skii den aña 2016 tabata completamente comproba su inocencia.
El a comproba su inocencia ora cu un hurado a declara su persona inocente den e accident, otorgando su persona e 1 dollar cu el a pidi den su contrademanda. Mientras tabata lesa e veredicto den sala di corte, su fanaticonan a hala un rosea di alivio mientras Paltrow tabata sinta banda di su abogado purbando di evita cu su emocionnan por keda mal interpreta.
“No ta hopi hende ta pasa door di henter e proceso cu tur e gastonan pa un solo dollar,” Tre Lovell a splica. “Pero e tabata kier a converti esaki den un caso unda cu e lo demostra cu “mi ta un bon persona” y “mi no ta bay laga niun hende probecha dimi.”
Ora cu Terry Sanderson di 76 aña di edad a entrega e demanda den aña 2019, e tabata e tipo di caso cu aparentemente tabata un caso tipico di yega un acuerdo cu un celebridad, sinembargo e caso aki a sobrevivi 4 aña den huicio.
“Mi tabata sinti cu acepta un acusacion falso tabata compromete mi integridad,” el a publica na su 8.3 miyon siguidornan riba Instagram despues di e veredicto.
Segun Sanderson, Paltrow tabata bahando e sero di manera asina iresponsabel cu nan a dal den otro, lagando Sanderson tira mientras Paltrow y su compañeronan a sigui baha e sero.
El a demanda Paltrow pa 3.1 miyon dollar bisando cu e accident tabata resultado di negligencia y a laga su persona cu heridanan fisico y inkietud emocional sinembargo el a ahusta su keho y a pidi 300,00 dollar despues. Paltrow a entrega un contra demanda unda a pidi cu Sanderson lo cubri gastonan di abogadonan y lo paga 1 dollar den dañonan causa na Paltrow pa motibo cu segun su persona, Sanderson ta “exagerando su heridanan y purbando di explota Paltrow su status como celebridad y su rikesa.”
