ExxonMobil a anuncia dialuna cu nan a realisa un descubrimento di petroleo den e Bloke Stabroek dilanti costa di Guyana den e pos Tripletail-1 den area di Turbot. E descubrimento ta bin riba e recurso recuperabel calcula anteriormente na mas di 6.000 miyon bari ekivalente di petroleo na Bloke Stabroek.
“E descubrimento aki ta yuda pa informa mas ainda di e desaroyo di e area Turbot,” Mike Cousins, Vice-Presidente Senior di exploracion y empresa nobo den ExxonMobil, a bisa.
E actividadnan di exploracion y desaroyo ta avansando den otro parti di e Bloke Stabroek . E barco perforador Stena Carron actualmente ta perforando e pos Ranger-2 y despues lo realisa un prueba di pos na Yellowtail-1. ExxonMobil tin dos otro barco operando den e bloke mientras cu na october un di cuatro barco, Noble Don Taylor lo cuminsa opera.
E desaroyo di Fase 1 di e area Liza ta programa pa cuminsa na inicio di 2020 y lo produci te 120.000 bari pa dia di crudo. Hunto cu otro proyecto den mesun area pa cuminsa na 2022 y 2023 por hiba produccion te na mita miyon bari pa dia den proximo añanan.
Stabroek Block tin 6.6 miyon hectarea di superficie (26,800 km2). Esso Exploration and Production Guyana Limited, filial di ExxonMobil, ta e operador y tin un participacion di 45 porciento den Bloke Stabroek. Hess Guyana Exploration Ltd. tin un participacion di 30 porciento y CNOOC Petroleum Guyana Limited, un subsidiario di propiedad total di CNOOC Limited, tin un participacion di 25 porciento.
