Durante e Cumbre Iberoamericano number 28 cu ta tuma luga na Republica Dominicana, e presidente di Colombia, Gustavo Petro, a referi na e relacionnan politico cu Haiti y a anuncia cu ta bay bishita e isla pa reforsa e temanan di cooperacion, sigurando cu e nacion aki mester di un ayudo democratico.
Den su intervencion, e presidente a manifesta di sinti su mes coresponsabel di e instabilidad gradual cu Haiti ta bibando for di e morto di e presidente Jovenel Moise, cu e participacion di soldaatnan Colombiano den e asesinato. Ademas a menciona cu ta existi un responsabilidad importante ya cu Haiti a yuda den independencia Colombiano.
Na september di 2022, e mandatario a pidi pordon na Haiti pa e asesinato di su presidente cu a tuma luga dia 7 di juli di 2021, esaki durante un encuentro genera pa presidente Joe Biden na Museo Americano di Historia Natural na New York oranan prome cu e Foro Economico. Eynan el a referi na e lucha contra narcotrafico y apoyo di comunidad internacional pa enfrenta esaki; reapertura di frontera cu Venezuela, incorporacion di aeronave pa salvaguardia Amazonia, entre otro topiconan internacional.
E situacion di Haiti, aisla pa un aumento di violencia den man di gruponan criminal a ocupa un parti grandi di e discursonan di hefenan di Estado y di Gobiernonan presente den e reunion cu a ser celebra na Republica Dominicana durante 24 y 25 di maart ultimo.
