Fiscalia di Delito Electoral di Ministerio Publico (MP) di Guatemala a presenta un demanda contra cinco magistrado di e Tribunal Supremo Electoral (TSE). E solicitud ta relaciona cu e delito di incumplimento cu nan debernan pa no tuma na cuenta tur consideracion pa e proceso electoral no topa cu ningun inconveniente.
A presenta denuncia contra e magistradonan Julio Solorzano, Maria Eugenia Mijangos, Rudy Pineda, Jorge Mario Valenzuela y Mario Aguilar Elizardi.
E fayonan den e sistema informatico tabata un di e motibonan pa e peticion. Na augustus 2019 a captura e ex-director y e ex-subdirector di informatica di TSE pa supuestamente altera e registro informatico.
Fiscalia a haci varios entrada hudicial y tin un copia di e sistema informatico di e proceso electoral pa identifica e problemanan.
Entre e motibonan pa demanda e retiro di inmunidad ta aparece e incumplimento cu e tarea di organisa, planifica y percura pa recurso humano y tecnologico pa Direccion di Informatica pa na por a realisa cu exito e proceso electoral. Nan a faya den tuma medida pa percura pa un sistema informatico y solvente confiable cu por a garantisa resultado sigur.
Varios ingeniero di informatica a cataloga e sistema desaroya pa e propio Tribunal Supremo Electoral como di un studiante di bachillerato o di un persona cu pa prome biaha ta purba programa.
Eleccion pasa, di 16 di juni, a causa un ambiente di hopi critica encuanto e resultadonan electoral, debi na varios problema cu a surgi den e sistema informatico cu e direccion di informatica di TSE mes a desaroya. Finalmente a logra duna resultado pasobra tabata dispone di e actanan oficial di cada hunta electoral di e departamentonan.
