Den e recta final di eleccion presidencial 2019, casi mita di e encuestadonan na Guatemala a mustra cierto indecision na ken duna nan voto den e proximo eleccion, cu lo conoce su prome vuelta proximo diadomingo. Cu 21 candidato e ciudadano tin hopi opcion, cu e resultado cu e preferencia anuncia ta hopi dividi. Den un sondeo similar di augustus 2015, prome cu e anterior eleccion, 69% di e encuestadonan ya tabatin nan candidato di preferencia.
E actual sondeo di opinion, realisa pa e empresa ProDatos pa Prensa Libre, a keda realisa entre 27 di mei y 5 di juni ultimo, na 138 punto den henter e pais, cu 1.201 ciudadano registra. A midi e intencion di voto cu un frmulario di voto simula cu e 21 candidatonan inscribi oficialmente te na e momento aki.
Riba e pregunta cera“Bo tin ya defini plenamente pa ken bo ta vota?”, 48% di e encuestadonan a responde cu no; e restante 51% a bisa sí. E datonan aki tin un variacion mas grandi den zona metropolitano compara cu dato colecta den resto di e pais.
A haci e ultimo encuesta ser haci despues di salida di dos candidato grandi, Zury Rios, yiu di ex-presidente Efrain Rios Montt y candidato presidencial di Valor, y Thelma Aldana, ex-fiscal general y aspirante pa presidencia pa Movimiento Semilla. Rios no por a participa pa decision di Tribunal Supremo Electoral, pasobra ex-presidente y nan yiunan paconstitucion no por participa. Aldana a haya un orden di captura contra pa envolvimento den corupcion.
Tambe a keda for di contienda, pa captura na Merca, candidato Mario Estrada, di Union del Cambio Nacional (UCN), acusa di contacto cu cartel di Sinaloa. Pa resolucion hudicial a keda elimina tambe Edwin Escobar, di Prosperidad Ciudad y Mauricio Radford, di partido Fuerza.
A keda como candidato mas fuerte Sandra Torres (Unidad Nacional de Esperanza; UNE), ex-candidato pa presidente na 2011 y 2015, cu tin 20,2% di e votonan di preferencia den e encuesta preliminar. Alejandro Giammattei, ex-director di sistema penitenciario di Guatemala y candidato di partido Vamos, ta sigui cu 14,4%. Giammattei tabata candidato presidencial na varios ocasion, entre otro na 2015 pa partido Fuerza. Ta parce cu un segundo vuelta ta lo mas probable, cu resultado dependiente di e aliansanan cu lo surgi.
