(EFE) – Secura pa fenomeno “El Niño” ta afectando e paisahe turistico di Guatape ubica na noreste Colombiano, e cual tin un dam atractivo di awanan berde esmeralda, casnan grandi colorido y un piedra di 220 meter di haltura na unda por mira e beyesanan rond di dje.

Dilanti e malecon, e punto di encuentro pa localnan y bishitantenan, e panorama di entrada ta desolador pa un scenario di desierto caminda companianan di actividadnan acuatico a haya nan mes obliga di transporta nan pier debi na e baho nivel di e dam.

E botonan Titan, El Celestial y La Bichota, entre otronan, ta pega den tera cu palonan y algun desperdicio, mientras cu por sigui scucha e gritonan di “pregoneros” cu ta ofrece servicionan y ta ofrece un oferta aunke e municipio a implementa condicionnan nobo, den apenas dos ora di caminda cerca di Medellin, a inclui Guatape ta den e lista di e 16 pueblo mas bunita di mundo segun revista Time Out.

E dam, denomina El Peñol di Guatape, cu den ultimo dianan a registra 40% di su volumen util, ta esun di mayor regulacion na e pais, cu un capacidad di almacenamiento total di 1.070.21 miyon meter cubico, di acuerdo cu Empresas Publicas de Medellin (EPM), esun responsabel di e central hidrolectrico cu ta utilisa awanan di riu Nare y ta desvia nan pa e riu Guatape.

Na maart, ora algun bishitantenan a haci viral nan potretnan na unda por mira e zona, yen di tera y botonan pega den areanan cu antes nan tabata nabega, administracion municipal a splica cu e dam a reduci su capacidad principalmente “pa halto generacion di energia” di parti di EPM, ademas di “e temporada di menos yobida bao influencia di fenomeno El Niño.”

Ta un panorama cu tambe ta ripiti den otro zona di e pais despues di lunanan na unda yobidanan ta minimo y durante e cual Gobierno nacional ta mantene alerta cora pa secura y candelanan. Diasabra ultimo, despues cu Alcaldia di Bogota a anuncia cu ta bay haci racionamento di awa, Gobierno a haci un yamada pa spaar awa y coriente, ya cu yobidanan di temporada aki no ta bay yega te final di luna.

“E situacion ta complica, e dam a baha hopi y esey a influi basta pasobra e turismo a baha,” Oswaldo Gonzalez un trahado di un compania di water sport na Guatape a bisa y ta kere cu “lo tin hopi consecuencia” pa e zomer, pero tambe ta asocia e panorama aki na reparacion of mantencion di e hidroelectrica.

Den e malecon di Guatape ta opera 33 compania cu ta agrupa cerca di 300 boto, pa e motibo ey e hoben a enfatisa cu “nos ta hopi persona cu ta depende di e dam.”

Manera a sucede na mei 2021 despues di un secura opaca pa pandemia, ora e dam lo bay back na su nivel optimal “ta un suceso positivo”, segun Alcaldia di Guatape, den terminonan di generacion di coriente y tambe turistico debi na awanan berde y e paisahe.