Fernando Merchán Murillo, Guardia di seguridad di e edificio na Bogota, unda a haya e curpa di e mucha muhe Yuliana Samboni, asesina recientemente, a ser haya morto. Merchán a ser haya cu cinco herida na su curpa, na su pia drechi, pia robez, un corta na su garganta y dos na su polsnan. E persona tabatin antecedente penal pa motibo di trafico di droga. E tabata traha den seguridad di e edificio, unda siman pasa a haya curpa di e mucha muhe di 7 aña, Yuliana Samboni, y relaciona cu su morto a detene Rafael Uribe Noguera como presunto autor di e asesinato di e mucha.
Segun documento di e institucion Medicina Legal, e heridanan di Merchán a ser produci pa un cuchiu di cushina. Fiscal ta investigando si e caso aki ta trata di un homicidio of suicidio.
Merchán tabatin antecedente pa trafico di droga y a sinta su castigo pa e motibo aki. El a laga un supuesto carta di suicidio unda e ta pidi pordon na su yiunan pasobra el a daña nan Pasco. El a skirbi tambe cu e ta inocente y cu e no kier bay prizon atrobe.
