(AP) – Gruponan den e industria di telecomunicacion riba diaranson a caba cu nan intento di blokia California su ley di neutraldiad den net cu ta preveni e proveedornan di broadband limita e servicio.
Den documentonan di corte federal na Sacramento, e gruponan y abogado general di California Rob Bonta conhuntamente a keda di acuerdo pa descarta e caso,
E movida ta bini despues di un decision cu a keda tuma den januari di parti di U.S. Circuit Court of Appeals unda cu a permiti e aplicacion di e ley di aña 2018, cual ta prohibi e proveedornan di internet baha e velocidad of blokia acceso na website y aplicacion cu no ta paga pa servicio premio.
“E caso finalmente a caba,” Bonta a bisa den un declaracion. “Cu e victoria aki, nos a sigura un internet liber y habri pa tur 40 miyon residente di California.”
Mensahe cu tabata busca comentario di e abogado cu a representa e gruponan no a keda contesta.
E ley a keda firma pa ex Gobernador democratico Jerry Brown despues cu reguladornan durante e administracion di Trump a descarta reglanan cu tabata diseña pa preveni AT&T, Comcast, Verizon y otro proveedornan di internet di explota nan posicion dominante pa beneficia cierto servicionan y aplicacionnan mas cu otronan.
