Diaranson merdia na Setar den Seroe Blanco, kende ta sponsor oficial di Carnaval 63, a tuma luga trekmento di lot pa locual ta e secuencia di grupo pa parada di Flambeu. E parada lo tuma luga diasabra awor y ta cuminsa 8’or di anochi.
Originalmente e grupo OPC a saca number dos anto Dushi Band a haya number shiete. OPC no tabata tin ningun representante den e trekmento di lot anto reglanan di SMAC
ta bisa cu si nan no tin un representante eynan, e persona mester bay ultimo. A purba comunica cu e representantenan pero no a haya ningun contesta segun SMAC. Pues e motibo cu OPC no tabata tin representante no ta conoci segun SMAC. Pues Dushi Band cu OPC a cambia anto esaki tabata e unico cambio cu a tuma luga.
E gruponan cu ta bay participa den e parada diasabra awo den nan debido secuencia ta:
#1 Los Laga Bay
#2 Dushi Carnaval Group
#3TOB
#4 Royal Carnaval Group
#5 Empire Carnaval Group
#6 Champagne Carnaval Group
#7 OPC
Esaki lo termina cu last lap band BMW. Fakkel ta cuminsa desde e Turbo Rotonde banda di Wendy’s na Boulevard cumisando 8’or di anochi direccion Banco di Caribe. E grupo Los Laga Bay cu lo habri Fakkel 2017 diasabra awo tin 35 aña aportando na nos carnaval. E tema di Los Laga Bay ta “Kibra Fiho Na 35” acompaña cu Robert y su Solo Banda Show. Los Laga Bay lo ta subiendo Fakkel 2017 diasabra awo cu 700 participante. Dushi Carnaval Group ta subiendo caya cu 750 participante anto nan ta bay sali cu e banda ‘Madness Band’. SMAC ta enfatisa cu tur cos ta canando bon anto kier a recorda tur hende pa bini na tempo pasobra e parada lo sali 8’or.
.
