Durante e di 32 di edicion di Aruba International Half Marathon Aruba a invita un grupo di Suecia pa tambe forma di e evento.
E grupo a consisti di Petra Månström y Lina Skandevall, ambos ta periodista y ‘influencer’, Shahrzad Kiavash un atleta cu deshabilidad, Paula Boyer, representante di KLM y 7 agencia di biahe. Aruba su oficina di turismo a invita e grupo aki riba un biahe pa familiarisa y experiencia nos isla y alabes participa den e half marathon cu a tuma luga diadomingo 26 di maart. Petra Månström y Lina Skandevall, tin bon acogida bou di e publico como tambe miles di siguidonan riba rednan social, a wordo invita pa forma parti di e grupo aki. Durante nan bishita riba nos isla, nan tabata comparti nan experencia cu nan siguidonan via Instagram y Facebook.
Shahrzad Kiavash cu ta un atleta paralympico cu a participa pa prome biaha aña pasa den weganan Olimpico na Brazil y ta preparando su mes pa e proximo weganan olimpico, tambe a wordo invita pa e oficina di turismo. Su persona a gusta e idea di por participa den e half marathon cu alabes sirbi como parti di su practica pa e proximo olimpiada cu lo tuma luga na Tokyo.
Golf cu limitacion
Aparte di esaki den e periodo di april 29 pa 5 di mei oficina di turismo ATA hunto cu Tierra del Sol y Divi Links lo organisa e prome torneo amateur di golf pa un grupo Hulandes hunto cu algun di Aruba cu tin limitacion. Lo spera 20 hungado cu limitacion cu lo yega diasabra 29 di april cu un programa bon hinca den otro caminda aparte di hunga golf nan lo tin oportunidad pa conoce Aruba.
