Un daycare na e estado Mericano di Louisiana a perde licencia pa opera despues cu un grupo di peuter a logra di huy for di e luga y despues a ser haya riba un caminda grandi danki na personanan atento.
Segun e fuente Hoffpost, e personal di e daycare no por a splica con e muchanan di entre 1 y 3 aña di edad a logra di huy, habriendo e heki principal di e speeltuin. Tabata un señora pasando riba e caminda a tuma nota di e muchanan y a logra di gara e “fugitivonan chikito aki y entreganan bek na e daycare.
Prome cu e incidente aki, e mesun daycare tabata bou supervision pa otro caso. Awor cu e sucedido aki, nan no por sigui opera mas.
Potret uza ta uno ilustrativo y no ta trata di un di e muchanan di e sucedido.
