E grupo di Lima cu ta integra pa 12 pais di Latinoamerica lo reuni riba dia 26 di october na Canada, pa discuti pa di tres biaha e situacion politico y resultadonan di e proceso di eleccion regional cu a tuma lugar na e pais Sudamericano.

Un vocero di ministerio di asunto exterior di Canada a informa cu ministronan di asunto exterior di Argentina, Brasil, Canada, Chile , Colombia, Costa Rica, Guatemala, Honduras, Mexico Panama, Paraguay y Peru lo tene un reunion na Canada.

E reunion lo tuma lugar dia 26 di october, y el a keda estableci despues di e di dos reunion, cu a tuma lugar na New York dia 20 di september, caminda nan a dicidi pa “uni tur forsa pa haya un solucion pacifico y negocia den e crisis cu Venezuela ta bibando aden.”