(CuraçaoChronicle) – Di mesun manera cu na Hulanda, GroenLinks/PvdA a sali victorioso den e eleccion Europeo na Aruba, Corsou y Sint Maarten. E partido a genera mas cu 30 porciento di e votonan, mas o menos 312 en total. VVD a sali den di dos luga cu 129 voto sigui pa D66 cu 126 voto. PVV a logra haya 112 voto.
En total, 1033 votador registra a haci nan voto riba e 3 islanan, resultado den 38.6 porciento di e total, cual ta bao e 40 porciento. E unico candidato Caribense riba e lista tabata Kenvile Kleinmoedig di GroenLinks/PvdA, ken a ricibi 125 voto preferencial.
Di e 1295 persona registra na Corsou, 44 porciento a presenta y vota. Nan a duna 179 voto p GroenLinks/PvdA, representando casi 31 porciento di tur voto na Corsou. VVD a keda den di dos luga cu 85 voto, pues 15 porciento, D66 den tercer luga cu 65 voto (un poco mas cu 11 porciento) y un mas cu PVV cual a ricibi 64 voto.
Di e 1184 votado registra na Aruba, casi 33 porciento a eherce nan voto. Aki, GroenLinks/PvdA a ricibi mayoria voto, 114 en total, cual ta mas di 29%.
CDA a keda den di dos luga cu 64 voto. D66 a keda den tercer luga cu 42 voto cual ta un mas di PVV. VVD a keda tras PVV cu 36 voto.
Na Sint Marten, 197 votador a eherce nan derecho, cual ta 37 porciento di tur votador registra. GroenLinks/PvdA y D66 a keda empata pa prome luga, cada un ricibiendo 19 voto (26 porciento). Ambos VVD y PVV a logra yega 7 voto pa cada un, cual a haci cu e partidonan a yega na casi un 10 porciento di e votonan total
