Por lo menos 20 di 23 estado di Venezuela a keda afecta un biaha mas pa e falta di coriente. Segun diferente fuentenan di noticia internacional, esaki lo a cuminsa desde ayera nochi y a sigui henter marduga di awe.
Ya caba na luna di maart, Venezuela a experencia 5 blackout masivo. Despues di esey, e president Nicolas Maduro a activa un plan pa 30 dia. Maduro e momento ey a bisa cu ta spera cu por soluciona e fayonan, cual segun e ta ser haci na un manera di sabotahe di parti di Merca.
E presidente ta insisti cu esaki ta ser haci por medio di atakenan cibernetico, electromagnetico y tambe fisico na e central hidroelectrico di Guri, cu ta produci 80% di e coriente nacional. Sinembargo hopi ta e fuentenan cu ta raporta cu e causa real di e problema ta e falta di mantencion na e red di distribucion di e planta hidroelectrico.
Mas informacion ta sigui den e corant di Bon Dia di 11 di april. Potret ta di AFP.
