Por medio di un comunicado, e director di La Salle College a anuncia cu scol a drenta den cuarentena y ta keda cera for di dia 4 di mei te cu 7 di mei.
Esaki ta pa motibo cu Departamento di Salud Publico (DVG) a stipula cu un gran parti di nan personal mester drenta den cuarentena preventivo, asina mes a dirigi pa alumnonan cu ta importante pa den dianan aki nan lo haci uso di plataformanan como Facebook y Google Classroom pa via cu tin informacion importante cu lo wordo comparti via e plataformanan aki mientras cu e lesnan presencial no lo tuma luga.
Periodo di examen ta cuminsa dia 17 di mei y ta haci un peticion special na examenkandidaten pa haci bon uso di e dianan aki y pa prepara pa e periodo di examen final.
Asina mes, a finalisa cu scol ta espera su alumnonan pa dia 10 di mei di otro siman.
