Pa un gran parti, Hulanda tin un interupcion den servicio bancario cu ta afecta personanan cu kier pin of swipe cu nan carchi di banco. Asina miles di notificacion a drenta, mientras tin liñanan largo ta forma na supermercadonan pa via cu por paga solamente cash.
E culminacion di e interupcion tabata rond di 4or di atardi, ora cu riba Allestoringen.nl casi 3 mil notificacion di problema cu pagonan a keda raporta. E problemanan ta concentra nan mes den Noord y Zuid-Holland, Noord-Brabant y Drenthe. Tambe rond di Arnhem tin hopi notificacionnan. Desde e culminacion ey e notificacionnan a baha pero e problemanan parce di no a disparce.
Si e interupcionnan ta afecta solamente supermarketnan of si ta afecta tambe mashinnan di paga cu cash, no ta conoci. Riba Twitter por a mira varios potret di filanan largo pa paga na Albert Heijn. Tin di e filanan cu ta pasa door di henter e tienda.
Na un supermarket na Rotterdam clientenan a laga atras nan garoshinan yen, cual nan no por a paga pa via di e interupcion, rond di henter e supermarket. Segun e trahado tras di cashier, e interupcion a haci cu hopi cliente a perde pasenshi y rabia cu e situacion.
