Gran cantidad di doñonan di cas no por cubri gasto pa haci nan cas mas sostenibel

(NLTimes) – Un gran cantidad di doñonan di cas no por paga pa haci nan cas mas sostenibel, banco central Hulandes DNB a mira den un analisis cu a involucra 4.3 miyon doño di cas.

Esaki ta concerni mas tanto personanan cu un entrada relativamente abao, y un cas cu no ta bon isola, cual ta e casnan cu ta mas afecta pa e prijsnan halto di coriente. Nan no tin suficiente placa den nan cuenta di spaar pa por paga e medidanan pa haci e casnan mas sostenibel, y e pago di prestamonan lo por ta problematico DNB a conta segun reportahe publica pa Trouw.

E Gabinete kier pa 1.5 miyon cas kita for di e red di gas pa aña 2030. Esaki ta nifica cu un gran cantidad di casnan mester ser mehora y bira mas sostenibel, y e costonan pa haci esaki ta cay mas anto riba e doño di e cas.

DNB a calcula cu e lo costa un averahe di 24,000 euro pa cada cas por cumpli cu e medidanan te ora cu nan yega na categoria B di energia y por instala un pomp. Sinembargo, e proceso ta depende den e estado di e cas y e tipo di cas tambe. Pa haci un cas individual (no pega na otro casnan) mas sostenibel, e lo costa un averahe di 34,000 euro mientras cu un cas den un edificio di apartamento lo costa 14,000 euro.

Mas o menos 21 porciento di e dononan di cas no por paga e suma aki, DNB a conclui. Casi 90 porciento di e grupo aki ta biba den un cas cu un categoria di energia di nivel C of mas abao. Banconan ta ofrece mas opcion di prestamo si e placa ta ser usa pa haci e cas sostenibel, pero esaki no a ta un bon solucion pa personanan cu tin un entrada abao, mirando cu e lo por ta un problema pa paga e debe aki back den e grupo “financieramente vulnerabel,” DNB a bisa.

DNB no a duna un solucion directo y cla pa con e subsidionan pro ser regula di un miho manera. E beneficio principal di e analisis aki ta cu e ta señala cua grupo mester di mas atencion, miembro di administracion Olaf Sleijpen a expresa. “E ta un grupo specifico cu bo kier yuda. Por ehempel, e no ta involucra tur hende cu tin un ingreso abao.”

Loke ta defini e gruponan aki ta e region unda cu nan ta biba. Pa motibo aki segun e sugerencia di DNB, e lo ta miho pa aregla e subsidionan aki na nivel regional.