Copa Himno y Bandera organisa pa Splash Damas lo ta un celebracion grandi e fin di siman aki. Splash y Sweet Devils ta e dos teamnan di softball di dama cu ta hopi activo ainda na Aruba, y hunto cu nan sponsor di torneo Balashi, nan ta e anfitrionnan pa un team di Corsou, esta Piston y un team di Canada pa un tremendo “clash” riba veld di Kudawecha e fin di siman aki.

E torneo ta dedica na Leticia Heyliger y Juliette Werleman. E fondonan recauda cu e torneo ta destina pa cubri gastonan necesario manera compra di material, paga pa e luznan di e veld, y pa logra haci nan biahe anual.

A conta cu apoyo valioso di Earl Sutherland , kende ta un yiu di tera di mayornan originalmente di e isla di St. Vincent, cu ta biba na Canada, pero semper a keda cu un relacion hopi bunita cu Aruba. Sutherland a biba na Congoweg y a bay Commandeur Pieterboerschool. El a emigra cu su mayornan pa Canada ora cu e tabatin 13 aña, pero semper el a keda bishita su famianan – e ta menciona Wever, Savala, y Gibson – na Aruba. Su mayornan a bin Aruba den añanan 1940 pa traha na e refineria, y nan a muda pa Canada ora cu e oportunidad a presenta pa trabao na un refineria eynan.

Esaki ta e di seis biaha cu un team di Canada ta bin Aruba. Den transcurso di e ultimo seis añanan a bin cada aña un team, en total tres team di dama y tres team di cabayero. No ta facil semper pa logra forma un team pa bin Aruba, pero e storianan cu e hungado cu a bin caba ta conta e otro di e isla ta yega leu y e atraccion toch ta grandi pa laga e friu pa algun dia, y bin hunga bala y pasa un dushi vakantie aki. E hungadonan ta bin di e provincia di Ontario.

E entusiasmo pa cu un torneo manera esun di e fin di siman aki ta hopi grandi y nan ta contento di por conta cu nan sponsor, esta NV Elmar. Ta premira un tremendo torneo di softball damas pa Dia di Himno y Bandera, el a agrega. Angela Geerman, cu ta e Splash Damas y Balashi ta organisa torneo internacional di Damas Gran bataya di softball damas ta tuma luga maart 17-19 manager y president di e ekipo Splash a conta cu e team aki ta existi pa 20 aña y nan ta biaha tur aña hunto, haciendo uzo di oportunidadnan pa hunga bala na diferente pais, manera Corsou, Boneiro, Canada y Hulanda.

E torneo ta tuma luga dianan 17, 18, y 19 di maart na Veld di Kudawecha. Aunke e enfoke ta e weganan y torneo di categoria “damas”, lo tin algun wega di ekiponan di e cabayeronan tambe. Dia 17 e torneo ta cuminsa cu e apertura oficial pa 6’or di atardi. E prome wega lo ta di Sweet Devils vs. Curacao Piston; y e di dos wega lo ta Splash vs. e ekipo di Canada. Riba dia 18 tur team lo hunga “double headers” y e ekiponan di cabayero lo ta riba veld tambe pa varios wega. E final ta tuma luga dia 19 den oranan di atardi. Comunidad di Aruba ta invita pa pasa un rato ameno den dushi ambiente, y gosa di algun bon wega di softball. Cushina y Bar lo ta manera semper bon surti , Cerbes Balashi y Hopi Bon lo ta bon friu pa kita sed di tur presente. Geerman ta agrega cu e ambiente lo ta sigura , e torneo ta compaña pa un DJ hopi popular y riba dia di e wega final, esta diadomingo, nan ta cera e fin di siman cu Zeta Band.